Cahier pédagogique: Schortgen – En Eisefrësser an der Chamber

Dëse Cahier pédagogique soll dat aktiivt Schaffe mat der Graphic Novel Schortgen – En Eisefrësser an der Chamber am Unterrecht erméiglechen.

Dëse Cahier pédagogique soll dat aktiivt Schaffe mat der Graphic Novel Schortgen – En Eisefrësser an der Chamber am Unterrecht erméiglechen. D‘Zil ass et engersäits, fir eenzel Aspekter aus dem Liewe vum Jean Schortgen (oder aus senger Zäit) inhaltlech weider ze verdéiwen an anerer, déi vun der Graphic Novel net direkt opgegraff goufen, kuerz unzeschneiden, fir esou d’Handlung vun der Graphic Novel fir Jugendlecher besser novollzéibar ze maachen. Anerersäits sollen och formal Aspekter beliicht ginn, fir d’Schülerinnen a Schüler mat den narrativen Elementer vun enger Graphic Novel vertraut ze maachen.

De Cahier pédagogique enthält eng Mëschung aus Dokumentatioun an Aarbechtsureegunge respektiv konkreeten Aarbechtsopträg. Dobäi ginn esouwuel literaresch wéi historesch a politesch Aspekter behandelt. Eng Rei Punkte gi vollstänneg ëmgesat; op anerer gëtt just higewisen an/oder et gi bibliografesch Referenzen dozou opgeféiert, déi et erlaben, déi Theemen eegestänneg weider ze verdéiwen.